Pas padreëls toe, vra DA
2013-01-14 16:20
Johannesburg – 'n Ongeluk deur 'n minibustaxi Maandag waarin sewe mense dood is, beklemtoon die behoefte vir die doeltreffende toepassing van padreëls, het die Demokratiese Alliansie gesê.
“Ons doen ‘n beroep op die departemente van gemeenskapsveiligheid en paaie en vervoer om ons padnetwerke effektief te polisieer en om alle reëls en regulasies toe te pas,” het Anthony Benadie, DA-LP, gesê.
Sewe mense is Maandagoggend naby Balfour dood toe ‘n taxi op die R23 naby die provinsiale grens met Gauteng omgeslaan het.
Moeti Mmusi, woordvoerder vir die departement van veiligheid en sekuriteit in Mpumalanga, sê nege mense wat ernstig beseer is, is na hospitale in Balfour en Heidelberg geneem.
Benadie het gesê dit moet ‘n prioriteit gemaak word om die onaanvaarbare hoë sterftesyfer op Mpumalanga se paaie te verlaag. Dit sal die samewerking van beide die regering en die publiek vereis, het hy gesê.
“Hierdie voorval... beklemtoon weereens die baie potensiële gevare wat padgebruikers op ‘n daaglikse basis in die gesig staar en dit beklemtoon die behoefte vir doeltreffende padreëls en die toepassing daarvan,” het hy gesê.
– Volg Nuus24 op Twitter
- SAPA
