Parapleeg stoei met inbreker

2012-11-16 13:26

Johannesburg – ‘n Man in ‘n rolstoel het met ‘n inbreker gestoei toe hy in sy huis in Humansdorp naby Jeffreysbaai aangerand is, het die polisie in die Oos-Kaap gesê.

Die man (55) was besig om TV te kyk toe die aanvaller by sy huis ingestap het.

“Die inbreker het die man aangerand het ‘n tou om sy nek vasgebind en hom deur die huis gesleep... maar hy het sy aanvaller uitgedaag,” het lt.kol. Priscilla Naidu gesê.

Naidu sê die man het uit sy rolstoel geval toe die aanvaller die tou getrek het. Die man kon egter daarin slaag om met sy hande terug te baklei.

Sy sê die rower het met ‘n skootrekenenaar ter waarde van R6 000 weggekom.

Die saak is by die polisie aangemeld toe die man se vrou ná werk teruggekeer het.

Polisiebeamptes is steeds op soek na die misdadiger.

Volg Nuus24 op Twitter 

- SAPA