Panjo weer gesien
2010-07-28 09:00
Johannesburg - Goosey Fernandes, die eienaar van Panjo die tier wat Maandagaand ontsnap het, hoop dat berigte dat Panjo Woensdagoggend raakgesien is sal lei daartoe dat dié troeteldier opgespoor sal word.
‘n Vrou thet glo gebel en gesê sy het Panjo ‘n straat sien oorsteek terwyl sy op pad werk toe was.
“Ons sal soontoe gaan en sien of hy wel daar is,” het Fernandes gesê.
Panjo het in die Delmas-omgewing ontsnap toe sy eienaars hom agter op ‘n bakkie na ‘n veearts in Springs geneem het. Hy het dit toe reggekry om die kap van die bakkie oop te maak en uit te glip.
Volg Nuus24 op Twitter.