Padsterftes in Wes-Kaap neem merkwaardig af
2012-02-14 20:04
Kaapstad – Die hoeveelheid padsterftes in die Wes-Kaap het in 2011 met byna ‘n kwart afgeneem in vergelyking met 2008, het Robin Carlisle, die LUR vir vervoer, Dinsdag gesê.
“Terwyl 1 739 mense in 2008 op ons paaie dood is, het daardie syfer in 2009 na 1 567 gedaal. In 2010 het dit na 1 487 gedaal en in 2011 na 1 321,” het hy gesê.
Padsterftes tydens die feesseisoen het van 259 na 243 afgeneem in die provinsie.
Carlisle was teleurgesteld dat die afname nie groter was nie, maar sê die provinsie het “waardevolle lesse” vir die toekoms geleer, veral wat langafstand taxi-verkeer betref.
Daar was 483 padblokkades in die provinsie tydens Desember en Januarie, met 161 989 voertuie wat afgetrek is.
Hy het gesê 3 250 langafstandbestuurders van openbare vervoer is op die N1 na die Oos-Kaap gedwing om vir vier ure te rus.
– Volg Nuus24 op Twitter
- SAPA