Paartjie vas ná seun (5) se dood

2012-11-13 08:18

Johannesburg – 'n Vyfjarige seun van die Noordwes se ma en stiefpa is ná sy begrafnis in hegtenis geneem in verband met sy dood, berig The Times.

"Die seun is dood gevind met kopbeserings en kneusplekke en sigaretbrandmerke aan sy geslagsdele en sy rug," het kapt.  Pelonomi Makau, polisiewoordvoerder, gesê.

"Uitslae van die nadoodse ondersoek toon dat die kind 'n klont op sy brein gehad het."

Die seun is in Brits, 20 km ver van sy tuisdorp, begrawe.

Die paartjie het hulself Maandag ná die begrafnis aan by die Hartbeespoort-polisiekantoor oorgegee.

"Ek wil nie oor iets praat waarmee ek niks te doen het nie," het die 25-jarige ma aan die koerant gesê.

Sy en die kind se 29-jarige stiefpa sal na verwagting op aanklagte van kindermishandeling en moord in die hof verskyn.

– Volg Nuus24 op Twitter

- SAPA