Paartjie kry lewenslank vir huurmoord
2010-10-08 23:22
Johannesburg - Die Howick-paartjie Sunesh Manilall en Mumtaz Osman is Vrydag in die hooggeregshof op Pietermaritzburg lewenslank tronk toe gestuur nadat hulle R10 000 betaal het om Manillal se eerste vrou, Monika, te laat vermoor.
Sy het ‘n kleuter by haar gedra toe sy in Februarie 2006 in haar tuin geskiet is. Sy het gewond haar by haar huis in gehardloop om die alarmknoppie te druk, maar sy is in die gang vermoor. Sy was die ma van Sunesh se twee kinders.
Die KwaZulu-Natalse Regterpresident Herbert Msimang het ook vir Mboweni Mbatha gevonnis vir die reël van sluipmoordenaars om Monika te vermoor.
Die rede vir die moord is dat Manilall en Osman ‘n liefdesverhouding aangeknoop het en die moord op Monika gereël het sodat hulle met hul verhouding kon volhard. Hulle het tydens hul verhoor getrou.
Msimang het gesê dit is onrusbarend dat die beskuldigdes en die sluipmoordenaars ‘n som van R10 000 as ‘n genoegsame beloning vir so ‘n afskuwelike misdaad kon beskou. Hy het gesê hy sal ook nie die houding van die beskuldigdes nadat hulle gevonnis is, oorsien nie.
In die aangesig van oorweldigende getuienis teen hulle, het hulle die vermetelheid gehad om onder eed te getuig en enige skuld te ontken.
Msimang het verlof tot appèl vir al drie geweier.
Een van die sluipmoordenaars het skuldig gepleit en is lewenslank tronk toe gestuur.
- Volg Nuus24 op Twitter
- SAPA