Paaie in Jhb vir 94.7-fietsren gesluit
2012-11-18 10:03
Johannesburg – Verkeer in Johannesburg word herlei vir die 94.7-fietswedren wat Sondagoggend in Woodmead, Johannesburg begin het, het die metropolisie gesê.
Die M1-suid, M2-wes, Jan Smuts-rylaan, die N14, Malibongwe-weg en die R55, is gesluit, het Wayne Minnaar, woordvoerder vir die metropolisie, gesê.
"Motoriste kan die N1-snelweg, die N3, Rivonia-weg en William Nicol-rylaan as alternatiewe roetes gebruik, het hy bygevoeg.
Die fietswedren eindig om 16:00.
Die M1 sal weer om 14:00 heropen terwyl die ander paaie tot 18:00 gesluit bly.
Volg Nuus24 op Twitter.
- SAPA
