Pa wat ma, seun verwurg se saak uitgestel
2011-06-08 16:54
Johannesburg – Die borgtogaansoek van 'n man wat daarvan beskuldig word dat hy sy vrou en seun vermoor het, is tot 13 Junie in die Johannesburgse landdroshof uitgestel.
Dit sal die staat kans gee om vas te stel of 'n bed by die Sterkfontein-psigiatriese hospitaal beskikbaar is vir Ben Engelbrecht (51), het landdros PJ du Plessis gesê.
Du Plessis het gesê dit kan 'n rukkie duur, maar 'n bed kan dalk gouer beskikbaar wees omdat dit 'n hoë-profiel-saak is. Engelbrecht bly tot dan in aanhouding.
Engelbrecht se regsverteenwoordiger, SW van der Merwe het gesê sy kliënt se verweer is dat psigiaters en beraders moet rus.
"Ons sal Maandag uitvind of daar 'n bed beskikbaar is vir hom. Hy sal dan vir evaluasie daarheen gestuur word en dan sal ons terugkom en voortgaan met die verhoor."
Engelbrecht word daarvan beskuldig dat hy sy vrou, Ina, en hul 22-jarige paraplegiese seun, Kobus, by die gesin se huis in Linden vermoor het.
Volg Nuus24 op Twitter
- SAPA