Pa vas oor beweerde seksdade met seun (8)
2011-03-11 07:30
Johannesburg – Die pa van 'n agtjarige seun het Donderdag in die Springs-streekhof verskyn op aanklagte van verkragting, seksuele aanranding, bestaliteit en kinderverwaarlosing nadat hy glo sy agtjarige seun aan seksdade laat deelneem het.
Die 35-jarige het glo orale seks met sy seun gehad tydens 'n tydperk van mishandeling wat twee jaar geduur het, het 'n bron na aan die ondersoek gesê.
Pornografiese dvd's is ook glo aan die kind gewys. Die man het glo sy kind aan seksdade met honde laat deelneem.
Die kind se 31-jarige ma is ook in hegtenis geneem en het op aanklag van kinderverwaarlosing in die hof verskyn.
Dit is nie bekend of sy bewus was van die mishandeling nie.
Albei ouers bly in aanhouding.
Lees meer hier
Volg Nuus24 op Twitter