Pa, kleuters sterf in brand
2011-05-24 14:23
Noordwes – Twee kinders en hul pa is dood nadat hul plakkershut in die Colridge informele nedersetting in Vryburg aan die brand geslaan het, het die polisie in die Noordwes Dinsdag gesê.
Sers. Karen Tredoux het gesê die driejarige Tebogo Mosepele en die sesjarige Nthabiseng Mosepele was Sondag alleen in die plakkershut toe die brand ontstaan het.
Hul pa, Thabo Gakeyegope (34), het Maandag weens sy brandwonde, wat hy opgedoen het toe hy die slapende kinders uit die brand wou red, beswyk.
Die kinders se ma sterk aan in die hospitaal nadat sy ook brandwonde opgedoen het terwyl sy die kinders wou red.
Volg Nuus24 op Twitter
- SAPA