Pa gooi baba glo dood teen muur
2011-06-28 22:00
Johannesburg – ‘n Twee maande oue baba is na bewering deur haar pa doodgemaak by ‘n taxi-staanplek in Polokwane, het Eyewitness News Dinsdag berig.
Die pa was in ‘n argument met die kind se ma betrokke toe hy na bewering die kind van haar rug af gegryp en teen ‘n muur gegooi het.
‘n Groep mense wat die voorval gesien het, het die pa aangeval. Hulle het toe ontdek dat die kind gesterf het.
Die polisie het tussenbeide getree en die man is in die hospitaal opgeneem.
Hy sal in die hof verskyn nadat hy ontslaan is.
- Volg Nuus24 op Twitter
- SAPA