PE-vloedskade op R600 miljoen geraam

2012-10-23 14:08

Port Elizabeth – Skade aan infrastruktuur in Nelson Mandelabaai wat deur vloede veroorsaak is, is op R600 miljoen geraam, het Zanoxolo Wayile, uitvoerende burgemeester van die Nelson Mandelabaai-munisipaliteit, gesê.

Wayile het 'n rukkie gelede op 'n mediakonferensie gesê dié bedrag sluit nie die skade aan privaateiendom en die res van die Oos-Kaap in nie, berig OFM.

Die burgemeester het gesê sy kantoor sal die nasionale regering vra om die metro as 'n rampgebied te verklaar.

Shane Brown, hoof van rampbestuur in die gebied, het gesê meer as 4 000 mense het tydens die vloede hulp ontvang.

– Lees meer hier

– Volg Nuus24 op Twitter