Ouma, drie kinders vermoor
2010-02-03 13:25
Johannesburg – Twee mans is in hegtenis geneem vir die moord op ‘n bejaarde vrou en haar drie kleinkinders in Kwaaiman, Oos-Kaap het die Oos-Kaapse polisie Woensdag gesê.
“Die twee mans, tussen die ouderdomme van 33 en 27, is Dinsdagaand in hegtenis geneem. Hulle was die familie se bure,” het supt. Mzukisi Fatyela gesê.
Die 65-jarige vrou, twee 13-jariges en ‘n 10-jarige kind se lyke is Dinsdagoggend in hul huis gevind.
Daar word vermoed dat hulle reeds Maandagoggend vermoor is.
"Die familie wat vermoor is, was baie arm. Die bejaarde vrou was daarvan beskuldig dat sy met heksery besig is,” het Fatyela gesê.
Volgens Fatyela het ‘n derde verdagte ontsnap, maar sal binnekort weer aangekeer word.
- Sapa