Ouers vas wat glo baba vermoor
2010-08-31 16:19
Bloemfontein – Die ouers van ‘n sewe maande oue baba wat grusaam dood is, is in hegtenis geneem vir die moord op hul dogtertjie, het polisie in die Vrystaat Dinsdag gesê.
Kapt. Ina Scholtz sê ‘n nadoodse ondersoek het getoon dat kokende pap oor die baba uitgegooi is nadat sy vermoor is.
“Beide die ouers is in hegtenis geneem en het in die hof verskyn,” het Scholtz gesê.
Die 28-jarige ma en die 35-jarige pa is albei borgtog geweier.
Die egpaar is van Lesotho en het ook ‘n vierjarige seun.
Volg Nuus24 op Twitter.
- SAPA