Oscar weer in die hof

2013-02-19 07:00

Pretoria – Die moordbeskuldigde Oscar Pistorius verskyn Dinsdag op aanklag van moord in die Pretoriase landdroshof.

Die Paralimpiese atleet is verlede Donderdag in hegtenis geneem nadat hy na bewering sy vriendin, die model Reeva Steenkamp, in sy huis doodgeskiet het.

Pistorius is Vrydag formeel aangekla.

Borgtogverrigtinge is uitgestel om die verdediging kans te gee om voor te berei vir die saak.

Adv. Gerrie Nel, wat ook die staatsaanklaer was in die saak waarin die voormalige polisiehoof Jackie Selebi skuldig bevind is, het aan die hof gesê die staat sal aanvoer dat die moord vooraf beplan was.

Pistorius word sedert Vrydag by die Brooklyn-polisiekantoor aangehou omdat hy genoeg tyd nodig gehad het om met sy regspan te vergader.

Steenkamp sal Dinsdag in Port Elizabeth veras word.

– Volg Nuus24 op Twitter

- SAPA