Oscar se verklaring bevraagteken
2013-02-22 11:41
Pretoria – Adv. Gerrie Nel, staatsaanklaer, het die inligting in Oscar Pistorius se weergawe van die oomblikke voor hy Reeva Steenkamp geskiet het, bevraagteken.
"Vir 'n vrou wat 03:00 toilet toe gegaan het en iemand wat skree 'daar is 'n inbreker', sou die vrou gesê het 'Oscar waar is jy?'," het Nel Vrydag tydens slotbetoë in Pistorius se borgtogaansoek in die Pretoriase landdroshof gesê.
Pistorius het ontken dat hy Steenkamp doelbewus op 14 Februarie doodgeskiet het, en gesê hy het gedink daar was 'n inbreker toe hy skote na die toiletduur afvuur.
In Pistorius se weergawe moes Steenkamp haar broek opgetrek het toe sy hom hoor skree het en die deur gesluit het, het Nel gesê.
Die hof het in aanvanklike bewyse bevind dat Steenkamp se blaas leeg was en dat sy 'n slaapbroek aangehad het toe Pistorius haar by die trappe afgedra het voor sy dood is.
"Om die weergawe as waarskynlik te vind, moet 'n mens strek," het Nel gesê.
Nel wou ook weet hoekom die twee nie in mekaar vasgeloop het toe Pistorius die waaier op die balkon gaan haal het en sy na die toilet gegaan het nie.
"Dit is altyd baie maklik om 'n weergawe te gee, veral waar daar een persoon is om 'n weergawe te gee."
– Volg Nuus24 op Twitter
