Oscar 'het nie hof in vertroue geneem'

2013-02-22 10:43

Pretoria – Oscar Pistorius moes die hof in sy vertroue geneem het deur in sy borgtogaansoek te getuig, het adv. Gerrie Nel, staatsaanklaer, in die Pretoriase landdroshof gesê.

"Hy het die reg. Pistorius kon sy weergawe van die skietery van sy vriendin, Reeva Steenkamp, nie net deur 'n beëdigde verklaring gegee het nie. Pistorius het gekies om nie in die hof getoets te word nie," het Nel gesê.

Nel het gesê Pistorius waardeer nie die erns van die misdaad nie.

"Nêrens in sy verklaring siek ek 'ek het 'n dood veroorsaak nie'," het Nel verder gesê.

Pistorius het ontken dat hy Steenkamp doelbewus op 14 Februarie in sy huis geskiet het.

Nel het ook gesê Pistorius het nooit gesê hy het "minstens" Steenkamp se dood onwettig veroorsaak nie.

– Volg Nuus24 op Twitter