Oscar: Trane 'n 'spontane' verdeding
2013-02-22 12:43
Pretoria – Adv. Gerrie Nel het Vrydagoggend tydens slotbetoë begin praat oor Oscar Pistorius se emosionele toestand terwyl die atleet weer begin huil het.
Nel het gesê trane word verwag, waarna Pistorius se suster, Aimee, haar kop geskud en haar hand voor haar mond gesit het.
"Dit is 'n moontlik dat jy begin jammer voel vir jouself nadat jy iemand geskiet het. Dat ek dae in die hof gaan deurbring, tronk toe gaan en my loopbaan daarmee heen is," het Nel gesê.
"Ons sê dit is 'n spontane verdediging."
Nel het gesê dit was dalk deel van sy beplaning – of deur die verdediging of voor of ná die moord.
Hooflanddros Desmond Nair het toe 'n vraag aan Nel gestel.
"Indien dit vooraf beplan is, sou die plan dalk insluit om die meubels in die huis rond te skuif [om dit soos 'n regte inbraak te laat lyk]?" het Nair gevra.
Nair wou weet hoekom Pistorius nie 'n venster gebreek het of die honde verwyder het om sy verweer van 'n inbreker te bewys nie.
"Ek sê nie die moord op Reeva Steenkamp was weke of dae vooraf beplan nie. Ons sê dit was daardie aand beplan," het Nel gesê.
"Ek het nie bewyse dat hy dit (die moord) twee of drie dae voor die skietery beplan het nie," het Nel gesê terwyl Pistorius se familie sigbaar ontsteld was.
Nel het vroeër gesê dit kan nie toeval wees dat getuies gesê het hulle het 'n vrou voor Steenkamp se dood hoor skree nie.
"Jok hulle? Sal onafhanklike mense jok?"
– Volg Nuus24 op Twitter
