Opposisie: Zuma moet nominasie terugtrek
2009-08-07 14:29
Kaapstad – Opposisiepartye eis dat pres. Jacob Zuma sy "ongrondwetlike" nominasie om Sandile Ngconde as hoofregter aan te stel, onmiddelik terugtrek.
Die DA, OD en Cope het Vrydag ‘n gesamentlike verklaring uitgereik waarin hulle eis dat Zuma sy nominasie moet terugtrek.
Zuma moet volgens die grondwet al die partye in die nasionale vergadering en die Regterlike Dienskommissie (RDK) raadpleeg voor hy die hoofregter aanstel.
“Die president se nominasie beteken dus dat die konsultasieproses geen effek op sy besluit sal hê nie,” lui die verklaring.
Zuma het Donderdag vir Ngconde, die regter van die konstitusionelehof, benoem om hoofregter Pius Langa te vervang.
Langa tree later vanjaar af.
Zuma moet volgens die grondwet al die partye in die nasionale vergadering en die Regterlike Dienskommissie (RDK) raadpleeg voor hy die hoofregter aanstel.
“Artikel 174 (3) van die Suid-Afrikaanse grondwet verseker dat die president in ‘n oop en demokratiese wyse die opinie van alle partye wat in die parlement verteenwoordig word, oorweeg. Die president se besluit is nie in belang van ‘n goeie demokratiese praktyk nie,” lui die verklaring.
Zuma het Donderdag gesê sy besluit om Ngconde te nomineer was “objektief” en “deeglik”.
“Die feit van die saak is dat ek iemand aangestel het wat bekwaam is”, het hy gesê.
– Sapa