Opname: Minder steun Malema
2012-05-16 14:30
Johannesburg – Slegs 20% van ‘n groep metropolitaanse volwassenes ondersteun wat Julius Malema doen en sê, het ‘n onlangse opname getoon.
“Hierdie is dieselfde streek waar 17% in September 2011 gemeet is, 21% in die middel van 2010 en 27% aan die einde van 2009,” het die navorsers Woensdag gesê.
Die studie is tussen 13 en 24 April 2012 deur TNS Suid-Afrika gedoen voordat die leier van die ANC-jeugliga uit die ANC geskors is.
Uit diegene wat aan die opname deelgeneem het, het 8% die “ek weet nie” –opsie gekies, ‘n afname van 11% verlede jaar.
Op die vraag waarin deelnemers moes sê of hulle saamstem of nie saamstem met die standpunt “ek ondersteun wat Julius Malema sê en doen,” het 27% van swart respondente, 8% wit mense, 5% bruin mense en 6%% van Indiërs en Asiërs saamgestem.
Navorsers het ‘n afname gesien in Malema-ondersteuners onder diegene tussen 18 en 24 – van 26% in 2001 na 21% - en ‘n toename in diegene wat tussen 35 en 59 jaar oud is.
Ondersteuning onder die 35 tot 59-jariges het van 13% na 19% toegeneem en vir diegene tussen 50 en 59 het dit van 7% na 14% toegeneem.
Ondersteuning vir Malema onder diegene wat 60 en ouer is, het van 5% na 6% toegeneem.
Onder dié wat werkloos is, het 25% gesê hulle steun hom, terwyl 19% van werkende mense hom ondersteun
Onder mans het 21% hom ondersteun, in vergelyking met 18% onder vroue.
Die geslagsverskille was “veral merkwaardig” onder swartmense, met 29% van mans en 25% van vroue wat hom ondersteun.
Die syfers vir swart mense is effens op van 26% in 2011, maar af van 30% in 2010.
Die 8% ondersteuning van blankes is ook op van 2% in 2011 en 5% in 2010.
Die syfer vir kleurlinge is op van nul in 2011 na 7% in 2010.
– Volg Nuus24 op Twitter
- SAPA
