Opgeskorte vonnisse vir ANCYL-lede
2012-05-31 23:01
Johannesburg – Vier lede van die Wes-Kaapse ANC-Jeugliga, wat skuldig gepleit het op aanklagte van wangedrag deur ‘n lesing van President Jacob Zuma te onderbreek in Februarie, is opgeskorte vonnisse opgelê.
“Die opgeskorte vonnisse is ‘n geleentheid vir hulle om gerehabiliteer te word,” het die sekretaris van die ANC in die Wes-Kaap, Songezo Mjongile, Donderdag gesê.
Zuma het ‘n lesing by die Goeie Hoop Sentrum gelewer toe ‘n gewelddadige ontwrigting uitgebreek het.
Ondersteuners van die geskorste leier van die ANC-Jeugliga, Julius Malema, het Zuma uitgejou en ‘n SABC-kameraman beseer.
Sibusiso Nkomiyahlaba, Loyiso Nkohla, Menzi Manyanga, Zuko Ngejane, Siviwe Gxothiwe en Mbi Athenkosi het verlede week voor ‘n provinsiale dissiplinêre komitee van die ANC verskyn.
Die aanklagte teen Gxothiwe en Athenkosi is teruggetrek.
Die ander vier het geskrewe verskonings vir hul wangedrag ingedien, soos ooreengekom is.
Hulle is beveel om ‘n verpligtende politieke opvoedingskool by te woon binne die volgende ses maande.
“Die vier kamerade sal ook gemeenskapsdiens doen binne ses maande,” het Mjongile gesê.
- Volg Nuus24 op Twitter
- SAPA
