Operasie vier keer uitgestel oor hospitaal-toerusting
2012-01-23 11:01
Johannesburg – ‘n Vrou wat ‘n operasie moet ondergaan om ‘n mantelvliesbreuk te herstel is al vier keer deur die Helen Joseph Hospitaal gesê dat die operasie uitgestel is as gevolg van ‘n tekort aan toerusting, het The Star Maandag berig.
Daar is eers aan Maria Robertson gesê dat daar geen suurstof in die teater is nie en haar operasie is gevolglik uitgestel.
Daar is ‘n volgende keer aan haar gesê dat daar geen steriele toerusting is nie, terwyl daar die derde keer vir haar gesê is daar is nie ‘n bed in die intensiewe sorgeenheid beskikbaar nie.
Robertson (52) is onder narkose geplaas en is verlede Donderdag na ‘n operasiesaal geneem.
Nietemin het dokters besef hulle het nie maasstof om met die operasie voort te gaan nie.
Sy is geskeduleer om volgende maand terug te keer na die hospitaal, maar tot dan moet sy met haar vergrote maag, wat soms misgis word as swangerskap, saamleef.
Sy spandeer meeste van haar dae binne om te verhoed dat mense haar vra of sy swanger is.
“As dit nie seer was nie sou ek nie teruggaan nie. Ek het nie geld om na ‘n privaat-hospitaal te gaan nie. Dit is so seer. Ons moes trek sodat ons ‘n huis met ‘n stort kan kry, want dit is so moeilik om in ‘n bad te klim,” het Robertson gesê.
Die provinsiale regering was nie beskikbaar om kommentaar te lewer toe hulle deur die koerant gekontak is nie.
– Volg Nuus24 op Twitter
- SAPA