Oos-Kaap bankvas agter Zuma

2012-10-17 07:35

Johannesburg – Die ANC in die Oos-Kaap het 'n span na drie ander provinsies gestuur om ondersteuners vir 'n tweede termyn vir pres. Jacob Zuma te werf, het die Dispatch Online Woensdag berig.

Oscar Mabuyane, provinsiale sekretaris, het gesê die span, wat gelei word deur Phumulo Masualle, voorsitter van die ANC in die Oos-Kaap, het reeds met partylede in KwaZulu-Natal, Mpumalanga en die Vrystaat vergader.

"Ons reël vergaderings met ander provinsies wat ander kandidate as ons s'n voorstel, om te bespreek hoe ons die ANC verenig kan hou, want wat duidelik is, is dat hierdie ander provinsies eerder skade doen as om die ANC te verenig," het hy gesê.

Die ANC in die Oos-Kaap het aangedui dat hy sy takke gevra het om Zuma as partyleier te ondersteun, met Kgalema Motlanthe as adjunkpresident, Gwede Mantashe as sekretaris-generaal en Baleka Mbethe as nasionale voorsitter.

– Volg Nuus24 op Twitter.

- SAPA