Onwettige sjebeen-eienaars vasgetrek

2012-08-18 19:45

Johannesburg – Drie mans is in hegtenis geneem vir die onwettige bestuur van sjebeens in Soweto, het die Gautengse polisie Saterdag gesê.

Ao. Kay Makhubela het gesê die mans, wat tussen die ouderdomme van 40 en 63 is, is Vrydag vasgetrek en hul besighede is gesluit.

Hulle sal na verwagting binnekort in die landdroshof verskyn.

Die arrestasies volg kort nadat die polisie in Soweto 'n ingrypingsprojek vir die feesseisoen bekendgestel het.

"Die projek word 'Operasie plig roep vir die feesseisoen' genoem," het Makhubela gesê.

Hy het gesê die inisiatief sal toesien dat die polisie optree teenoor onwettige sjebeen-eienaars en mense wat onder die invloed van drank bestuur.

"Vrydag is tien mense in Soweto in hegtenis geneem vir dronkbestuur."

Die polisie sal ook meer padblokkades voor die feesseisoen oprig.

Dié ingrypings sal tot aanstaande jaar voortduur.

Volg Nuus24 op Twitter.

- SAPA