Ontvoerde meisie steeds vermis
2011-12-08 19:58
Johannesburg – ‘n Sakeman van Witbank is in
hegtenis geneem nadat hy skynbaar ‘n 16-jarige meisie ontvoer het. Die meisie word steeds vermis.
Volgens Kaptein Alfred Nakana is die meisie
Maandagoggend laas gesien en was sy teen laatmiddag Donderdag steeds vermis.
Haar ma het haar Maandagoggend na die Elangeni
winkelsentrum in Daveyton aan die Oosrand gestuur en het haar sedertdien nie
weer gesien nie.
“Tienuur die aand het haar ma ‘n
telefoonoproep van ‘n man wat R80 000 eis vir die terugbesorging van haar
dogter ontvang.
“Sy het onmiddellik die polisie gebel,” het
Nakana gesê.
Die polisie het die 40-jarige man by sy huis
in Witbank in hegtenis geneem toe hulle uitvind vanwaar die telefoonoproep
gemaak is.
“’n Voorlopige ondersoek het die polisie na
die huis van ‘n man wat die eienaar van taxi’s en busse is, gelei,” het Nakana
gesê.
Die polisie het gesê dat enigiemand met
inligting wat hulle in die ondersoek kan help, kaptein Angel Mthethwa kan bel.
Haar nommer is 083-479-7196.
Volg Nuus24 op Twitter.
- SAPA