'Ontvoerde' meisie ongedeerd, ma in die sop

2011-12-04 12:58

Kaapstad – Die ma van 'n tienjarige Durbanse meisie wat na bewering Dinsdag ontvoer is, is by 'n woonstel in dié stad in hegtenis geneem.

RSG berig die kind is ongedeerd opgespoor.

Die meisie is terug onder die toesig van haar ouma, by wie sy gewoon het voor sy vermis geraak het.

Die polisie sê die 27-jarige ma van die kind is deur 'n kennis op Durban se strandfront opgemerk. Die kennis het geweet die polisie is op soek na die kind en die ma.

Polisiebeamptes het die vrou in hegtenis geneem, wat hulle na die woonstel geneem het waar die kind gekry is.

Die vrou sal na verwagting Maandag in die Durbanse landdroshof verskyn.

Volg Nuus24 op Twitter