Ontvoerde baba gevind

2013-01-11 07:11

Johannesburg – 'n Ses maande oue baba wat uit sy ouers se huis in Bezuidenhoutvallei, Johannesburg, ontvoer is, is Donderdag veilig gevind, het die Gautengse polisie gesê.

Die kind is "gesond in Fordsburg opgespoor," het lt.kol. Lungelo Dlamini gesê.

Die polisie het die Pakistanse paar wat hom na bewering Dinsdag ontvoer het, en probeer het om sy oppasser keelaf te sny, in hegtenis geneem. Die paartjie het 'n kamer in die familie se huis gehuur.

Dlamini het gesê die paar sal teregstaan op aanklagte van verkragting en poging tot moord wanneer hulle in die Johannesburg-landdroshof verskyn.

Die E-News-kanaal het berig die kind is gevind ná die polisie 'n wenk van die publiek opgevolg het.

Die oppasser sterk steeds aan in die hospitaal.

Dlamini het vroeër Dinsdag gesê die pa het laat Woensdag 'n SMS ontvang waarin die ontvoerders R100 000 vir die baba eis.

Die verdagtes het drie kinders, en verwag 'n vierde.

– Volg Nuus24 op Twitter.

- SAPA