Ontstoke aktivis pos toonnaels aan ambassade

2012-10-24 11:29

Johannesburg – 'n Man van Grahamstad het sy toonnaels aan die Chinese ambassade in Pretoria gestuur, omdat hy ontsteld is oor die toenemende aantal renosters wat gestroop word, het The Star berig.

Mark Wilby het volgens die berig sy toonnaels geknip, in 'n koevert gesit en dit gepos.

Wilby het in 'n YouTube-video 'n beroep op ander Suid-Afrikaners gedoen om dieselfde te doen.

Renosterhoring bestaan uit keratien, dieselfde proteïen in hare, vinger- en toonnaels, maar sommige Asiese lande glo dat die horings medisinale waarde het.

"Dit is nie genoeg om te sê renosterhoring is nutteloos nie," het Wilby aan die koerant gesê.

"Ons moet meer uitvind oor die mark om die ding te verstaan sodat ons die aanvraag daarvoor kan aanspreek."

Die ambassade het aan die koerant gesê hy teen Dinsdagmiddag nog niks ontvang nie.

Kyk hier na die video:



– Volg Nuus24 op Twitter

- SAPA