Onnie vas vir porno, aanranding

2012-12-05 09:32

Johannesburg – Die departement van onderwys het ‘n laerskoolonderwyser tydelik geskors ná aantygings dat hy ‘n leerling seksueel aangerand het.

Die onderwyser – wat by ‘n skool in Pimville, Soweto, gebaseer is – word daarvan aangekla dat hy ‘n pornografiese video aan twee tienermeisies gewys het, waarna hy een van hulle seksueel gemolesteer het, het Sowetan berig.

Die verdagte het na bewering vir hulle ‘n video gewys van ‘n polisiebeampte wat verlede jaar seks met ‘n tronkbeampte by Leratong Hospitaal gehad het.

Na bewering het die onderwyser een van die meisies op 5 November seksueel aangerand nadat hy haar die video in sy kantoor gewys het. Sy was 13 jaar oud.

Die koerant berig die ander meisie – 14 jaar oud – het weggehardloop nadat sy die beeldmateriaal gesien het.

Kapt. Nondumiso Mpantsha, ‘n polisiewoordvoerder, het bevestig dat ‘n saak van seksuele aanranding ondersoek word.

Volg Nuus24 op Twitter 

- SAPA