Onnie in hof oor verkragting
2010-02-25 13:26
Aliwal-Noord - 'n Onderwyser sal na verwagting Donderdag in die Aliwal-Noord-distrikhof aansoek doen om borgtog ná hy glo 'n 13-jarige gr.8-leerder verkrag het.
Insp. Victor Bojabotseha het gesê die 36-jarige man is Maandag in die Dukathole-township in hegtenis geneem.
"Dit het alles twee weke gelede begin toe die onderwyser sy ewige liefde aan die meisie verklaar het. Sy het toe geweier om skool toe te gaan omdat sy bang was vir hom."
Bojabotseha het gesê die meisie het Saterdag saam met haar vriende verby 'n winkel gestap toe hulle die onderwyser raakloop.
"Hy het haar glo gedwing om in sy motor te klim en beloof om haar by die kerk af te laai. Die onderwyser het toe in die teenoorgestelde rigting gery en die meisie kon nie verbygangers se aandag trek nie omdat die motor donker vensters het."
Die onderwyser het toe die meisie na 'n afgeleë plek geneem waar hy haar glo verkrag het.
Die meisie het Maandag die saak by die polisie aangemeld en die onderwyser is onmiddelik in hegtenis geneem.
Hy het Woensdag sy eerste hofverskyning gemaak en is in aanhouding.
– Sapa