Onnie agter tralies vir verkragting

2012-11-22 13:36

Johannesburg – ‘n Onderwyser is drie lewenslange vonnisse in die Esikhawini-streekhof opgelê nadat hy ‘n 15-jarige leerling ontvoer en verkrag het, het die polisie in KwaZulu-Natal gesê.

Kol. Jay Naicker sê Mlungisi Thusi (39) het die meisie in Maart begin verkrag en is in Mei op heterdaad betrap.

“Hy het haar in die bosse geforseer toe sy op pad skool toe was, waar hy haar herhaaldelik verkrag het,” het hy gesê.

Naicker sê gemeenskapslede het die verdagte in die bosse gesien en die polisie in kennis gestel.

Volg Nuus24 op Twitter  

- SAPA