Ongeluk wat arm eis was slaggat se skuld
2010-01-18 18:48
Pietermaritzburg - ’n Sjef by ’n hospitaal het haar hand gedurende ’n minibus-taxi-ongeluk verloor weens die regering wat daarin misluk het om die slaggate in die paaie te herstel, het die hooggeregshof in Pietermaritzburg gesê.
Die ongeluk het wel in 2004 plaasgevind, maar die regering het eers agt maande later werk daarvan gemaak en slaggate herstel, het Sheshile Thokozani, ’n motortuigkundige by Tugela Ferry-garage gesê. Hy het die minibus-taxi kort na die ongeluk na sy garage gesleep.
Die Church of Scotland-hospitaal se sjef, Hluphile Zuma eis R1 miljoen van Willies Mchunu, KwaZulu-Natal se LUR van vervoer, gemeenskapsveiligheid en skakelwese.
Die taxibestuurder, Zamani Langa kon nie die slaggat weens aankomende verkeer vermy nie.
Die minibus-taxi het passasiers tussen Greyton en Dundee vervoer.
Die ongeluk het te veel skade aan Zuma se hand aangerig, dat sy haar arm by die elmboog moes laat amputeer.
Sy het sedert die ongeluk haar posisie as sjef verloor, moes baie pyn verduur en sal verdere mediese behandeling moet ontvang.
Sy hoop vir ‘n kunsmatige hand, het die hof gehoor.
Thokozani het ook van talle ander voertuie wat deur die slaggat van ongeveer 35 sentimeter diep, beskadig is, vertel.
Zuma sê die regering dra verantwoordelikheid vir die ongeluk, omdat hulle niks aan die paaie se instandhouding gedoen het nie.
Die verdediging voer aan dat die roekelose bestuurder egter verantwoordelikheid vir die ongeluk moet dra.
-Sapa