Onderwyser afgedank ná kind se dood

2012-06-26 08:34

Johannesburg – ‘n Onderwyser in Mpumalanga wat ‘n leerder glo só geslaan het dat hy later aan sy beserings beswyk het, is deur die provinsie se onderwysdepartement afgedank, het die Sowetan Dinsdag berig.

“Dit beteken eenvoudig dat hierdie onderwyser in geen stadium in openbare diens aangestel sal word om met kinders te werk nie,” het die LUR vir onderwys, Reginah Mhlaule, Maandag gesê.

Die departement het aan die distrik se direkteur in Ehlanzeni, naby Witrivier, opdrag gegee om die onderwyser se kontrak te kanselleer.

Die leerder is glo op 4 Junie met ‘n besemstok geslaan nadat hy op 1 Junie nie vir skool opgedaag het nie. Hy het op 8 Junie aan sy beserings beswyk.

Die onderwyser is in hegtenis geneem en het in die hof verskyn, het lt.kol. Leonard Hlathi gesê.

Die polisie ondersoek nog die saak.

– Volg Nuus24 op Twitter

- SAPA