Onbevoegde boewe kaap kar voor hospitaal
2009-08-20 14:06
Johannesburg – Twee mans, wat klaarblyklik nie kan bestuur nie, het Donderdag ‘n motor met twee insittendes voor die Edendale-hospitaal gekaap.
Snr. Supt. Henry Budhram van die Suid-Afrikaanse Polisiediens het in ‘n verklaring gesê twee gewapende mans het die motor gekaap en met die twee insittendes weggejaag.
Die insittendes was onderskeidelik 18 en vier jaar oud.
Die motor was voor die hospitaal, in Plessislaer naby Pietermaritzburg, geparkeer.
Die rowers kon egter nie die motor aan die gang hou nie en dit het naby die Bisley-woongebied gaan staan.
Volgens die tienerseun wat in die gekaapte motor was, het dit geblyk of die bestuurder nie weet hoe om te bestuur nie. Hy kon die voertuig nie weer aan die gang kry ná dit gevrek het nie.
Die kapers het uiteindelik die voertuig verlaat en te voet vlug.
Geen skote is tydens die voorval gevuur nie.
- Sapa