Omstrede Facebook-foto moenie ras 'uitsonder'
2011-08-28 14:18
Johannesburg – Die rasse-aspek moenie uitgesonder word in die kwessie waar 'n wit man op 'n Facebook-foto met 'n geweer oor die lyk van 'n swart kind staan nie, het die ministerie van polisie Sondag gesê.
"Selfs al was die kind wit of die man swart, sodra jy die rasse-aspek uitsonder, word dit problematies. Moord is moord," het Nathi Mthethwa se woordvoerder, Zweli Mnisi, gesê.
Die foto wat Sondag in the Sunday Times gepubliseer is, is op die profiel van 'n gebruiker genaamd "Eugene Terrorblanche".
Op sy profiel lys hy ondermeer messe, vuurwapens en wapens as sy belangstellings en selfverdediging, skietery en wapenopleiding as sy aktiwiteite.
Mnisi het gesê die minister het gevra dat 'n ondersoek gedoen word, en het 'n beroep gedoen op die man op die foto of enigiemand wat hom ken om na vore te kom.
Hy het gesê die ondersoek is nog in 'n vroeë stadium, maar indien die foto eg is, moet die verantwoordelike persoon vervolg word. Daar moet ook nog 'n persoon betrokke wees, omdat iemand die foto geneem het.
Indien die foto digitaal gemanipuleer is, hits dit geweld aan, het Mnisi gesê.
Enigeen wat deels verantwoordelik is vir die publisering van die foto, of die profiel geskep en diegene wat dit gesien, maar versuim het om dit aan te meld, kan vervolg word.
"Daar is so baie vrae wat beantwoord moet word. Dit is skokkend." het Mnisi gesê.
– Volg Nuus24 op Twitter
- SAPA