Okah-borgtogaansoek geweier
2011-01-07 19:21
Johannesburg - Die Suid-Afrikaanse hooggeregshof het 'n appèl deur Henry Okah teen 'n hofbeslissing wat hom borgtog geweier het, ook geweier.
Okah is in Johannesburg gearresteer in verband met verlede jaar se dodelike bomaanvalle in Abuja, Nigerië, op 1 Oktober.
Die hof het verlede jaar sy aansoek om borgtog geweier, waarna Okah teen die beslissing geappèlleer het.
Mthunzi Mhaga, 'n woordvoerder vir die Nasionale Vervolgingsgesag, het ook gesê Donderdag se hofbeslissing sou waarskynlik onveranderd bly indien Okah weer appél aanteken.
Okah se hofsaak in Suid-Afrika, wat onder die land se terrorismewette plaasvind, is vir 11 Februarie geskeduleer, maar kan moontlik uitgestel word.
Die Nigeriër hou vol hy het niks te doen gehad met die dodelike bomaanvalle in sy land se hoofstad nie, maar aanklaers in Suid-Afrika meen bewyse uit Okah se dagboeke en rekenaardokumente stem met die aantygings teen hom.
Okah staar aanklagte van sameswering en terrorisme, wat verband hou met die motorbomme in Abuja verlede jaar, in die gesig.
Okah word verbind aan die Beweging vir die Bevryding van die Niger-delta (Mend), wat veg vir 'n regverdige verspreiding van oliewinste.
Mend het verantwoordelikheid geneem vir die
Volg Nuus24 op Twitter.
- AP
