OTM by gewilde toeristebestemming opgeblaas

2013-01-17 10:19

Kaapstad – ‘n Plaaslike koerant berig ‘n kitsbank is buite Mzoli’s, ‘n bekende kroeg in Guguletu, opgeblaas.

Cape Times berig die polisie het Woensdagoggend omstreeks 02:25 die ontploffing gehoor en ondersoek gaan instel.

“Hulle het gesien hoe ‘n ongeïdentifiseerde, gewapende manlike verdagte met ‘n outomatiese geweer op hulle skiet. Die lede het teruggeskiet, maar die verdagte het op die vlug geslaan,” het kapt. Frederick van Wyk, ‘n polisiewoordvoerder, gesê.

Dit is die eerste OTM wat vanjaar geteiken word, met 21 kitsbanke wat verlede jaar in die Wes-Kaap opgeblaas is.

Niemand is beseer nie en geen verdagtes is tot dusver vasgetrek nie.

Dit is nie bekend hoeveel geld gesteel is nie.

Mzoli’s is ‘n gewilde kroeg onder plaaslike inwoners en internasionale toeriste.

Volg Nuus24 op Twitter

- SAPA