OD-leier verwerp DA-bewerings
2010-05-04 02:48
Kaapstad - Patricia de Lille, leier van die OD het Maandag mediaverslae verwerp wat berig het dat sy na verwagting binnekort saam met Helen Zille in een van die DA se twee topposte verkies gaan word.
Die media het berig dat De Lille op die party se kongres einde Julie as die DA se nasionale voorsitter benoem gaan word.
Die tipe stories is ontwerp om “verwarring” onder die OD-lede te saai, het haar kantoor in ‘n verklaring gesê.
“Onlangse berigte het ‘n lid in die binnekring van die DA aangehaal wat gesê het, ‘De Lille gaan einde Julie op die party se kongres as die DA se nasionale voorsitter benoem word.’”
“Die leierskap van die OD wil graag ons ondersteuners verseker dat ons voort sal gaan om binne die streng mandaat wat ons van ons party se strukture by die OD se nasionale konferensie op 20 Maart ontvang het, te volg.”
Die konferensie het ooreengekom om “verdere besprekings oor ‘n samewerkingsfront onder die opposisiepartye voort te sit om so die opposisie van Suid-Afrika te herstruktureer,” het haar kantoor gesê.
-Sapa
Volg Nuus24 op Twitter.