OB ondersoek Shabangu
2011-12-07 11:11
Johannesburg – Die Openbare Beskermer ondersoek die verhouding tussen die sakeman Roux Shabangu en Sam Vukela, geskorste waarnemende direkteur-generaal van openbare werke.
"Ons ondersoek jou verhouding met mnr. Vukela," het adv. Thuli Madonsela Woensdagoggend tydens 'n debat op SAfm aan Shabangu gesê.
Dit is nadat "inligting van ander bronne na ons gekom het" oor die verhouding "wat dalk of dalk nie onvanpas" kan wees, het Madonsela gesê.
Shabangu het in reaksie gesê: "Jy weet, ek sal nie eers daarop ingaan nie".
Madonsela en Shabangu was in 'n onderhoud nadat hy gesê het hy het 'n brief aan die Openbare Beskermer gestuur waarin beweer word 194 huurooreenkomste in die departement van openbare werke is sonder 'n tenderproses toegeken.
Madonsela het Bheki Cele skuldig bevind aan wangedrag nadat 'n tender vir polisiehoofkwartiere aan die omstrede sakeman Roux Shabangu toegeken is. Sy het beslis dat die toekenning van dié tenders onwettig was. Die huurkontrakte beloop R1,6 miljard.
Madonsela het bevind Gwen Mahlangu-Nkabinde, minister van openbare werke, en Bheki Cele onregmatig en onwettig opgetree het in verband met twee huurooreenkomste vir polisiekantore in Pretoria en Durban. Dié kontrakte was R1,6 miljard werd.
Mahlangu-Nkabinde en Cele is in Oktober geskors.
Vukela is tans op spesiale verlof hangende 'n interne ondersoek na bewerings van tenderongeruimdhede.
– Volg Nuus24 op Twitter
- SAPA