Nzimande: Hitler het ook genasionaliseer
2011-06-28 12:53
Midrand – Die beroep om nasionalisering deur die ANCYL is ‘n poging om "swart bemagtigingselemente in krisis" te red, maar dit sal nie die armes help nie, het Blade Nzimande, sekretaris-generaal van die SAKP, Dinsdag gesê.
“Die beroep om nasionalisering deur elemente in die ANCYL se bedoeling is om hierdie SEB-elemente wat in ‘n krisis verkeer te red, eerder as om aandag te skenk aan die belange van werkers en die land se armes,” het hy aan Cosatu se sentrale komitee by Gallagher Estate in Midrand gesê.
Die plasing van private bates in regeringshande is nie “inherent progressief” nie, aangesien dit afhang van watter klas van die samelewing se belange deur die besit van die bates bevoordeel word.
“Ons wil dit duidelik maak dat die beroep [tot nasionalisering] nie ‘n eerlike beroep is om werklik die werkers en die armes te bemagtig nie.”
“Nasionalisering is deur Hitler onderneem,” het hy gesê en bygevoeg dat dit ook deur die apartheid-regering gebruik is.
“Tien jaar van nou af sal daar ‘n hernude beroep wees vir privatisering.”
– Volg Nuus24 op Twitter
- SAPA