Nuwe meubels vir skole in Mpumalanga

2013-01-18 15:06

Johannesburg – Altesaam R7 miljoen sal op nuwe stoele en tafels vir skole in Mpumalanga spandeer word, het provinsiale amptenare Vrydag gesê.

Reginah Mhaule, LUR van onderwys, sê die verskillende streke sal die departement voor die einde van Februarie van verslae van hul tekortkominge moet voorsien.

“Skoolhowe [moet] die departement [van] outentieke en betroubare statistieke van tekorte voorsien om te verseker dat die skool se hulpbronne te alle tye verseker is,” het Mhaule gesê.

“Ons moet dit doen om bevorderlike onderwys en ‘n leeromgewing by die skool te verseker.”

Die onderwysdepartement het gesê hy sal in die 2013/2014- finansiële jaar R30 miljoen opsy sit om nog meubels te koop.

Die departement het skole en beamptes aangemoedig om deel te neem aan die Rhandza Xikolo Xa Wena-veldtog (wees lief vir jou skool), om te help om ‘n einde te bring aan diefstal en vandalisme by skole.

– Volg Nuus24 op Twitter
 

- SAPA