Nuuskonferensie oor Selebi se gesondheid uitgestel
2011-12-22 22:39
Kaapstad – 'n Nuuskonferensie oor die gesondheid van Jackie Selebi, voormalige polisiekommissaris, wat vir Vrydag (môre) beplan is, is uitgestel.
'n Nuwe datum sal op 'n latere stadium aangekondig word.
Yusuf Abramjee, voorsitter van die Nasionale Persklub, het gesê die konferensie is deur Nosiviwe Mapisa-Nqakula, minister van korrektiewe dienste, uitgestel weens nuwe verwikkelinge en die behoefte om met dokters oorleg te pleeg.
Die minister het die nuuskonferensie oor Selebi se gesondheid gereël ná berigte dat hy om sy lewe veg.
Mapisa-Nqakula se woordvoerder wou egter geen nuwe inligting oor Selebi se gesondheid bekendmaak nie.
– RSG.
– Volg Nuus24 op Twitter.