Noordwes-munisipaliteit beroof
2010-06-02 09:01
Johannesburg – Rustenburg se plaaslike munisipaliteit is van omtrent R100 000 beroof, het die Noordwes-polisie gesê.
Volgens kol. Lesego Metsi het vyf gewapende mans Woensdag kortt ná die munisipaliteitskantore oopgemaak het ‘n kassier by die betaalpunt beroof.
Hulle het die kassier gedwing om die kluis oop te maak en het weggekom met geld en tjeks van altesaam R100 000.
Die mans het blykbaar weggejaar in ‘n Mercedes Benz met ‘n Gauteng nommerplaat.
Omtrent 15km van die tolhek buite Rustenburg het die polisie die rowers se spoor verloor.
“Ons weet nie watter rigting hulle ingeslaan het ná die tolhek nie,” het Metsi gesê.
“‘n Helikopter is ingespan om die Mercedes te help opspoor, maar ons kon hulle nie kry nie.”
– Sapa
Volg Nuus24 op Twitter