'Noord-Kaap het matrieksyfers gekook'
2011-01-24 12:54
Kimberley – Opposisiepartye in die Noord-Kaap het die departement van onderwys daarvan beskuldig dat hy verlede jaar se matriekuitslae met tot tien persent aangepas het, om by die slaagsyfer van 72,3% uit te kom.
Die Noord-Kaap is die provinsie wie se uitslae die meeste - met 11% - verbeter het teenoor die vorige jaar.
Die Demokratiese Alliansie in die provinsie sê daar is geen manier hoe dit so drasties kon verbeter nie - veral nie ná die staatsdiensstaking en ander faktore nie.
Die party se Alan Grootboom sê veral agtergeblewe leerders sou nie die mas kon opkom nie.
Die president van die onderwysersvakbond, Sadou, Thobile Ntola het opposisiepartye intussen gelooi oor hul aantygings.
– RSG
Volg Nuus24 op Twitter