Nóg vertragings in Fidentia-saak
2013-02-05 14:22
Kaapstad – Die bedrogsaak van die voormalige Fidentia-baas J Arthur Brown is tot Woensdag uitgestel.
Brown word daarvan beskuldig dat hy ‘n piramideskema bedryf het en beleggers se geld gebruik het om ‘n luukse leefwyse te handhaaf. Hy staan tereg op twee aanklagte van bedrog, twee van korrupsie, een van geldwassery en twee van diefstal.
Leon Grobbelaar, direkteur van Fundi Projects, wat geld by Brown belê het, het vroeër die week getuig.
Brown, wat homself verteenwoordig, sou Grobbelaar Dinsdag ondervra. Die saak is egter wéér uitgestel en hy sal in ‘n latere stadium onder kruisverhoor geneem word.
Die verhoor, wat in November verlede jaar begin het, is al talle kere vertraag. Brown is in 2007 in hegtenis geneem.
Die staat beplan om Dalpat Naran van die opleidingsowerheid vir die vervoersektor (Teta) as sy volgende getuie te roep.
Brown het glo ‘n belegging van R200 miljoen van Teta ontvang deur Piet Bothma, hoof van Teta, met R6 miljoen om te koop.
– Volg Nuus24 op Twitter
- SAPA
