Nóg seksklagtes teen Prinsloo
2009-09-08 09:21
Belo-Rusland - Owerhede in Belo-Rusland ondersoek aantygings van seksuele misdade teen Dirk Prinsloo, Suid-Afrika se bekendste en mees berugte beweerde seksmisdadiger.
Die koerant The Star het Dinsdag berig dat lt.kol. Mikhail Starikovich, die hoof van Interpol se nasionale buro in Belo-Rusland, gesê het dat daar menigte voorvalle wat verband hou met seksuele misdade wat waarskynlik deur Prinsloo gepleeg is, al aangemeld is.
Ván hierdie aantygings het betrekking tot seksuele dade met sy voormalige meisies in Belo-Rusland.
Prinsloo staan tereg op aanklagte van bankrowery in Belo-Rusland en sal vir “spesiale sielkundige en forensiese ondersoeke gestuur word” terwyl die saak sy gang loop.
Hy word in Suid-Afrika vervolg vir 15 klagtes van kinderpornografie en seksuele dade met minderjariges.
Hy het in 2005 vanuit Suid-Afrika gevlug en sy voormalige meisie, Cézanne Visser (advokaat Barbie), agtergelaat om alleen op die aanklagtes teen die paartjie in die hof te verskyn.
Prinsloo is in Junie vanjaar deur Interpol in dié ou Sowjet-staat in hegtenis geneem nadat sy poging om ‘n bank met 'n speelgoedgeweer te beroof, misluk het.
- Sapa