Nóg 'n verdagte vas ná dubbele polisiemoord
2011-05-31 14:14
Kaapstad – Die Valke het 'n tweede verdagte in hegtenis geneem in verband met die moorde op twee polisiemanne in Kaapstad, het 'n woordvoerder gesê.
Die 22-jarige man is onder polisiebewaking in die Tygerberg-hospitaal, waar hy vir 'n skietwond behandel word.
Girshwin Matthee en Cannon Cloete is meer as 'n week gelede in Wallacedene doodgeskiet.
Mcintosh Polela, woordvoerder van die Valke, het gesê sodra hy ontslaan is, sal die verdagte aangekla word vir die moord op twee polisiebeamptes.
"Hy sal daarna hof toe geneem word."
Sivuyile Songovana (23) is verlede week in hegtenis geneem en sal na verwagting Vrydag om borgtog aansoek doen.
Lees meer hier
Volg Nuus24 op Twitter