Nóg 'n polisiebeampte omgery

2013-01-11 09:22

Johannesburg – ‘n Verkeersbeampte is Donderdag beseer toe ‘n motor hom in Riverlea, Johannesburg, raakgery het toe hy die voertuig probeer aftrek het.

“Hy het ‘n wit VW Golf probeer aftrek toe hy besef dat dit nie nommerplate gehad het nie. Die bestuurder van die Golf het hom getref en weggejaag,” het supt. Wayne Minnaar gesê.

Die 26-jarige beampte is toe na ‘n hospitaal geneem.

Minnaar sê die bestuurder is steeds soek.

Dié voorval volg nadat ‘n motoris en 'n polisiebeampte dieselfde dag in Rosebank, Johannesburg, gesterf het toe die bestuurder weggejaag en 'n ongeluk gemaak het na die beampte sy motor wou deursoek.

Volg Nuus24 op Twitter

- SAPA