Nóg 'n meisie by Louise se skool gegryp
2011-10-19 13:13
Johannesburg – Nóg 'n meisie is gegryp by die Hoërskool Die Burger, waar Louise de Waal verlede week ontvoer en later vermoor is, berig Beeld.
Die 16-jarige meisie het Woensdagoggend buite die skoolgronde gestaan toe 'n man haar gegryp het en 'n skroewedraaier teen haar keel gehou het.
Sy het geskree en 'n sekuriteitswag het haar te hulp gesnel. Die aanvaller het gevlug en weggejaag, maar daar is daarin geslaag om sy motor se registrasienommer neer te skryf. Die meisie is ongedeerd, maar ontvang traumabehandeling.
Die polisie het die man vasgetrek en hy is na 'n polisiekantoor gebring waar die slagoffer hom moet gaan uitken.
Die polisie besluit nog waarvan die man aangekla gaan word.
– Volg Nuus24 op Twitter
- Beeld