Nóg inligting oor wapenondersoek bekend gemaak
2011-10-27 10:10
Johannesburg – Die terme van verwysing vir 'n ondersoek na die regering se omstrede wapentransaksie sal na verwagting Donderdag aangekondig word.
Jeff Radebe, minister van justisie, sal die media 11:00 toespreek.
Pres. Jacob Zuma het vroeër vandeesweek aangekondig dat regter Willie Seriti van die appèlhof die ondersoek sal lei. Willem van der Merwe, adjunkpresident van die Pretoriase hooggeregshof, en regter Francis Legodi van dieselfde hof sal Seriti bystaan.
Die wapentransaksie-kritikus Terry Crawford-Browne, wat die regering hof toe gesleep het in 'n poging om hom te dwing om 'n kommissie van ondersoek aan te stel, het gesê hy sal wag vir die aankondiging van die terme van verwysing voor hy 'n besluit gaan neem oor sy hofaksie.
– Volg Nuus24 op Twitter
- SAPA